Unicode နှင့် English"

"Unicode နှင့် English"

"ခေါင်းစဉ်ကြီး ဖတ်ပြီးတော့ မဟူရာတစ်ကောင် ဘာထကြောင်ပြန်ပြီလဲလို့ ထင်ပြီး မလန့်ပါနဲ့ဦး။ နည်းပညာရှင်တစ်ယောက်အနေနဲ့ unicode အကြောင်းပြောမှာမဟုတ်သလို English Professor တစ်ယောက် Lecture ပေးမယ့်ဒီဇိုင်းနဲ့ ဆရာကြီးလုပ်မှာလည်း မဟုတ်ပါဘူး။ ကျွန်တော်နေ့စဉ် တွေ့မြင်နေတာလေးထဲက သတိထားမိတာလေးတစ်ချက်ကို လျှာရှည် လူအမုန်းခံပြီး ၀င်ပွားတာပါ။ ပထမဆုံးအနေနဲ့ အောက်မှာ ဆက်ပြီးမဖတ်ခင်မှာ(၁၀တန်းတုန်းက မြန်မာစာ ဂုဏ်ထူးမပါခဲ့လို့) စာရေးမတတ်လို့ ဖတ်ရတာ အဆင်ပြေဘူးဆိုရင် နားလည်ခွင့်လွှတ်ပေးကြဖို့ စာဖတ်သူ ဆရာသမားများကို လေးစားစွာ လျှောက်ထားပါရစေ။ (ဖတ်ပြီးပါက မဟူရာအား ဖနောင့်နှင့် ကန်ချင်စိတ်ပေါက်ခဲ့ရင် token နံပတ်ယူပြီး email မှတဆင့် ပေါက်နိုင်ပါကြောင်း...)"

ပြောရမယ်ဆိုရင်တော့ ကျွန်တော်မအူမလည်နဲ့ နိုင်ငံခြားစရောက်တဲ့ ၂၀၀၄ကို ဆွဲခေါ်သွားပါရစေ။ ရန်ကုန်မှာတုန်းက အင်တာနက်ကို တစ်ရေးတစ်မောအိပ်ပြီး သုံးခဲ့ရတဲ့ ကျွန်တော်အဖို့ click တစ်ချက်နှိပ်ပြီး စက္ကန့်ပိုင်းအတွင်း ကိုယ်လိုချင်တဲ့ အင်တာနက် စာမျက်နှာကိုသွားနိုင်တဲ့ အခွင့်အရေးကြီးတစ်ခု ပက်ပက်စက်စက်ရလိုက်တဲ့အချိန်မှာ ကျွန်တော် အိပ်ရေးပျက်ခဲ့တဲ့ညတွေ မနည်းပါဘူး။ ဘယ်ပြောကောင်းမလဲ ရှိရှိသမျှ မြန်မာဆိုဒ်တွေ (၂၀၀၄ တုန်းကဒီလောက်မများသေးပါ) ၊ ချက်တွေ၊ ဖိုရမ်တွေ ၀င်မွှေခဲ့ပါတယ်။ အဲဒီမှာ စတွေ့တာပါပဲ။ ကျွန်တော့်အထင် မှတ်မိသလောက်ဆိုရင် ဇော်ဂျီ unicodeကို 2005 ခုနှစ် ကုန်ခါနီးကျမှ ဖြန့်ဝေပြီး ၂၀၀၇ ခုနှစ်နောက်ပိုင်းမှ လူသုံးများလာတာပါ။ ဒီမတိုင်ခင်တုန်းက များသောအားဖြင့် မြန်မာဆိုဒ်တွေ၊ ချက်တွေ၊ ဖိုရမ်တွေမှာ English လိုရေးရင်ရေး၊ ဒါမှမဟုတ် Burglish ခေါ် မြန်မာအသံထွက်ကို english စာလုံးပေါင်းနဲ့ ရေးကြတာများပါတယ်။ မြန်မာစာကို အခုလို unicode သုံးပြီးလွယ်လင့်တကူ မရေးနိုင်ခဲ့တဲ့အတွက် English လို ကြိုးစားပန်းစား ရေးခဲ့တဲ့လူတွေရှိသလို ၊ ကျွန်တော်အပါအ၀င် Burglish နဲ့ ကစ်ခဲ့တဲ့လူတွေလည်းရှိပါတယ်(အတိတ်ကိုပြန်လည်တမ်းတခြင်း..)။ ဒါ့အပြင် အင်တာနက်လှိုင်းလုံးကြီး ကျွန်တော်တို့ မြန်မာနိုင်ငံကို မရိုက်ခတ်သေးတဲ့အတွက် လူသုံးနည်းပြီး အင်တာနက်ဆိုတာ ဘာကြီးလဲလို့ ပြန်မေးခဲ့တဲ့အချိန်ပါ။ ဟုတ်ကဲ့ အရှင်းဆုံးပြောရရင်တော့ အင်တာနက်ဆိုတာ ဘာမှန်းမသိခဲ့တဲ့ခေတ်တုန်းက ကျွန်တော်တို့လူငယ်တွေ English စာတတ်ခဲ့ပါတယ်။ တတ်ခဲ့တယ် ဆိုတော့ မင်းပြောချင်တာ အခုငါတို့ကမတတ်တော့ဘူးလားလို့ ပြန်မေးရင် ကျွန်တော်အရိုးရှင်းဆုံးအဖြေ တစ်ခုပြန်ပေးပါ့မယ်။ ဟုတ်ကဲ့ မတတ်ပါဘူး။ အရင်ကလောက် တတ်သင့်သလောက် မတတ်တော့ပါဘူး။ဒီလိုပြောလိုက်လို့ ဒေါသရှေ့ထားပြီး မဆဲခင်မှာ ကျွန်တော် ဆက်ပြောမယ့်အရာတွေကို ဖတ်ကြည့်ပါ။ ပြီးမှပြောသင့်တယ်ထင်ရင် အပေါ်မှာ ရေးထားတဲ့အတိုင်း တိုကင်ယူပြီး ပြောနိုင်ပါတယ်။

ကဲ ဇာတ်လမ်းကတော့ ဒီမှာစပြီ။ English စာဆိုတာ ကျွန်တော်တို့ မြန်မာလူမျိုးတွေအတွက် အကျွမ်းတ၀င် ရင်းနှီးပြီးသားဖြစ်တယ်ဆိုတာ အထွေအထူးပြောနေစရာ မလိုပါဘူး။ အများစုက ငယ်ငယ်လေး နှပ်ချီးတွဲလောင်း အရွယ်ကတည်းက A၊B၊C ဆိုပြီး အော်ခဲ့ကြဖူးတဲ့သူတွေပါပဲ။  A၊B၊C ပြီးတော့ အသက်ကလေး နည်းနည်းကြီးလာတဲ့အချိန်မှာ ဒီအက္ခရာတွေကို အသုံးပြုပြီး စာလုံးပေါင်း (spelling)တွေ သင်ခဲ့ရပါတယ်။ ကျွန်တော် ၁၀တန်းအောင်တဲ့အချိန်တုန်းက  သိပ္ပံတွဲဘာသာရပ်မှာ မြ န်မာစာက လွဲလို့ ဘာသာရပ်တိုင်းက English လိုပါပဲ။ အခုလည်း ဒီလိုပဲထင်ပါတယ် ပညာရေးစနစ်အနည်းငယ်အပြောင်းအလဲ ရှိသွားတာကလွဲလို့။ ၁၀တန်းအောင်ပြီး သင်ခဲ့တဲ့စာတွေ တတ်တာမတတ်တာ ခဏဘေးချိတ်ပြီး ကျွန်တော်အခု ပြောချင်တာက English နဲ့ ရင်းနှီးကျွမ်းဝင်ခဲ့မှုကိုပါ။ ဘယ်ဘာသာရပ်ပဲယူယူ ၂-၃တန်း အရွယ်လောက်က သင်ခဲ့ရတဲ့ အင်္ဂလိပ်စာကို မှတ်မိလောက်မယ်တော့ထင်ပါတယ်။ လွန်ခဲ့တဲ့ ၄၊၅၊၆ ခုနှစ်ထက်စာရင် အခုချိန်မှာ မြန်မာပြည်ကနေ အင်တာနက် အသုံးပြုသူအရေအတွက်ဟာ ၃၊၄ဆ ပိုများလာပါတယ်။ အများစုကတော့ လူငယ်တွေပါ။ ကောင်းပါတယ်။ အရမ်းလည်းအားပေးပါတယ်။ ဘာပဲဖြစ်ဖြစ် အသုံးချတတ်မယ်ဆိုရင် ဒီအင်တာနက်က လူငယ်တွေ မျက်စိပွင့်နားပွင့် ၊ ဆက်သွယ်ရေးအတွက်လည်း အဆင်ပြေ၊ အချက်အလက်တွေ စုစည်းတဲ့နေရာမှာလည်း လွယ်ကူချောမွေ့တဲ့ ကွန်ယက်ကြီးတစ်ခုပါ။ တိုးတက်မှုတစ်ခုလို့ ဆိုလိုနိုင်သလို တစ်ချိန်တည်းမှာပဲ ကျွန်တော့်အနေနဲ့ မဆုတ်ယုတ်သင့်တဲ့နေရာမှာ ဆုတ်ယုတ်သွားတယ်လို့လဲ ခံစားရပါတယ်။ အဲဒါကတော့ လူငယ်တွေ.. ကျွန်တော်တို့ မြန်မာလူငယ်တွေ english စာမတတ်တော့တာပါ။

ဒီလိုပြောလိုက်လို့ ခဲနဲ့ထပေါက်ချင်သွားပြီလား။ ပြီးအောင်တော့ တစ်ချက်အရင်နားထောင်သွားပါ။ ဒီလိုပြောရအောင် မင်းကကော ဘယ်လောက်များတတ်၊ ဘယ်လောက်များသိနေလို့လဲလို့ စောဒကတက်ချင်တဲ့သူတွေရှိခဲ့သော်.. ကျွန်တော်ဘယ်လောက်မှလည်းမသိ ဘယ်လောက်မှလည်းမတတ်ပါဘူး။ ဒါပေမဲ့ကျွန်တော့်အတွေ့အကြုံထဲက ကျွန်တော်သိတာတစ်ခုက အခုနောက်ပိုင်းလူငယ်တွေ Englishစာတော်တော်ကြီးကို အားနည်းသွားပါတယ်။ အားနည်းတယ်လို့ဆိုခြင်းက မနေ့တစ်နေ့ကမှ ၅-၆တန်းတက်ပြီး အခုမှ online လာသုံးတဲ့သူတွေထက်စာရင် အနည်းဆုံး ၁၀တန်းအောင်ပညာတတ်ဘွဲ့ရ ဆိုသူတွေကြားမှ သိသိသာသာကြီးကို တွေ့မြင်နေရလို့ပါ။ ကျွန်တော် MYMC ရဲ့အုပ်ထိန်းသူတစ်ယောက်အဖြစ် ကျွန်တော့်ကို gtalk မှာလာ add ပြီး  စကားပြော အကူအညီတောင်းကြတဲ့ မြန်မာပြည်က MYMC ပရိတ်သတ်တွေ အများကြီးရှိပါတယ်။ သူတိုတွေ့နဲ့ပြောဆိုဆက်ဆံရင်း ကျွန်တော်ပိုသတိထားမိလာတာပါ။ လာချက်တဲ့လူတွေထဲက ညီငယ်တစ်ယောက်က အဝေးသင် English နဲ့ကျောင်းပြီးထားပါတယ်။ သူကကျွန်တော်ကို အကူအညီတောင်းရင်းနဲ့ ကျွန်တော်က english လိုပြန်ပြီး ရေးလိုက်မိပါတယ်။ ကျွန်တော်ရေးလိုက်တာက "What would you like me to do?" (ဘာလုပ်ပေးရမလဲ) (မှတ်ချက် - ကျွန်တော်မြန်မာ လိုရေးတာ သိပ်မမြန်တဲ့အတွက် များသောအားဖြင့် Burglish ဒါမှမဟုတ် English လိုပြန်ပြောတာများပါတယ်။ မာနကြီးတာမဟုတ်ပါ။) သူက ကျွန်တော့်ကိုပြန်မေးပါတယ်။ "အစ်ကို ကျွန်တော်နားမလည်လို့ ဘာပြောလိုက်တာလဲ။ ဘာသာပြန်ပေးပါ။" ဆိုတော့ ကျွန်တော်နည်းနည်းတော့ ကြောင်သွားပါတယ်။ ကျွန်တော်ရေးလိုက်တဲ့ စာကြောင်းထဲမှာ အနည်းဆုံး ၄-၅ တန်းအောင်ပြီး လူတစ်ယောက် နားလည်တဲ့ စာကြောင်းမျိူးပါ။

ဒါက စာကြောင်းမို့လို့ နည်းနည်းဖြစ်တတ်ပါတယ်ဆိုပြီး ပြောချင်တဲ့သူတွေရှိခဲ့ရင် ကျွန်တော်နောက်ဥပမာ တစ်ခုထပ်ပေးပါမယ်။ ဒါကတော့ မဖြစ်သင့်ဘူးလို့ ကျွန်တော်ယူဆပါတယ်။ ၁၀တန်းအောင်ပြီး Music လောကထဲ ၀င်ချင်သူ ညီငယ်ပါ။ သူကကျွန်တော်တို့ ဆိုဒ်ကိုဝင်ကြည့်မိပြီး သူဖြစ်ချင်တဲ့ ရည်မှန်းချက်ကို ကျွန်တော်တို့ ကူညီနိုင်မယ်အထင်နဲ့ ကျွန်တော်ဆီ email ပို့လာပါတယ်။ (မဟူရာတစ်ယောက် Music နဲ့ပတ်သက်ပြီး IQ သုညပါ။) English လို ရေးထားတဲ့ သူ့ email ထဲမှာ ကျွန်တော်သတိထားမိတာက စာလုံးပေါင်းတွေပါပဲ။ Grammar ကိုကျွန်တော်မပြောလိုပါဘူး ဒါပေမဲ့ ကိုယ်လုပ်ချင်တဲ့ Music ကို "Mousic" လို့ပေါင်းတာကြီးက မဖြစ်သင့်ဘူးထင်ပါတယ်။ (မှတ်ချက် - မှားရေးခြင်းမျိုးမဟုတ်ပါ။ စာတစ်ပိုဒ်လုံး ၃-၄နေရာလောက်သုံးထားခြင်းကြောင့် သတိထားမိခြင်းဖြစ်သည်။) ကျွန်တော်တစ်နှစ်တာ MYMC ကိုလည်ပတ်ခဲ့တဲ့ တောက်လျှောက် နေ့စဉ်နဲ့အမျှ ဒါမျိုးအတွေ့အကြုံတွေ အများကြီးရှိခဲ့ပါတယ်။ သဒ္ဒါမှားတာက ကျွန်တော်လက်ခံလို့ ရပါတယ်။ (ကိုယ်သုံးနေကြ ဘာသာမဟုတ်တဲ့အတွက် သဒ္ဒါမှားတာက ဖြစ်တတ်ပါတယ်။) သို့သော်ငြားလည်း အခြေခံတွေကိုတော့ ထမင်းစားရေသောက်လောက်တော့ ဖြစ်စေချင်ပါတယ်။ ကျွန်တော်ပြောချင်တာက  "I is" , "I wait to you", "who u are" , "I no u say" , "u talk free", "I will finished"  ဆိုတဲ့သဒ္ဒါတွေက ဆယ်တန်းအောင် ဘွဲ့ရမပြောပါနဲ့ ၄-၅တန်းလေးကအစ မှားဖို့မကောင်းတဲ့ အရာတွေပါ။ မင်းတို့က နိုင်ငံခြားမှာနေတဲ့သူတွေပဲ။ ငါတို့ကမင်းတို့လောက်တော့ ဘယ်တတ်ပါ့မလဲလို ပြောလို့ရပါတယ်။ ကျွန်တော်တို့ နေရတဲ့ပတ်ဝန်းကျင်၊ ဆက်ဆံရတဲ့အသိုင်းအ၀ိုင်း၊ ဒါတွေကြောင့် ကျွန်တော်တို့ English စာနဲ့ထိတွေ့ရင်းနှီးမှုပိုရှိလို့ သာမန်ထက်စာရင် အနည်းငယ် ပိုကျွမ်းကျင်ကောင်း ကျွမ်းကျင်ပါလိမ့်မယ်။ ဒါပေမဲ့ ကျွန်တော်အခုပြောနေတဲ့အရာက ဘယ်နိုင်ငံမှာပဲနေနေ ပညာသင်ဆဲ၊ ပညာသင်ပြီး ဘွဲ့ရလုပ်ငန်းခွင်ဝင်နေတဲ့ လူငယ်တွေအနေနဲ့ English နဲ့ပတ်သက်လာရင် မမှားသင့်ဘူးလို့ ယူဆလို့ရတဲ့ အခြေခံတွေပါ။

ဆက်ကြအုံးစို့.. ဒါတွေကဘယ်လို Unicode နဲ့ဆက်စပ်မှုရှိသလဲဆိုတာ ကျွန်တော်ဆက်လက်ဆွေးနွေးပါမယ်။ မြန်မာ Unicode ပေါ်ပေါက်လာမှုက ကျွန်တော်တို့အတွက် ITခေတ်မှာ နောက်ထပ်တိုးတက်မှု ခြေလှမ်းတစ်ခု ပါပဲ။ မြန်မာလူငယ်တွေကြား ဆက်သွယ်မှု ပိုမိုချောမွေ့လာခဲ့သလို မြန်မာလိုအလွယ်တစ်ကူ ရေးသားဖော်ပြပေးတဲ့ဆိုဒ်တွေ အများအပြားပေါ်ပေါက်လာခဲ့တာကြောင့် လူငယ်တွေ.. မြန်မာလူငယ်တွေ iTဘက်မှာ ပိုမိုအာရုံ စူးစိုက်မှုရှိလာခဲ့ပါတယ်။ တစ်ချိန်တည်းမှာပဲ မြန်မာလို လွယ်လင့်တစ်ကူ ဖတ်ရှု၊ရေးသား၊ပြောဆိုနိုင်တဲ့ အတွေးခေါင်းထဲရောက်လာတာကြောင့် အရင်တုန်းက မသိဘူးဆိုရင်တောင် စူးစမ်းချင်တဲ့စိတ်နဲ့ မသိသိအောင် မရရအောင် ရေးချင်ဖတ်ချင်တဲ့ စိတ်တွေ ပျောက်ကွယ်သွားခဲ့ပါတယ်။ တစ်ချို့တွေက English လိုရေးတတ်ပေမဲ့ မြန်မာလိုရိုက်ရတာ ပိုမိုအဆင်ပြေလို့ (စာလုံးလေးတွေ ပိုကြည့်လို့ကောင်းလို့) သဘောနဲ့ အသုံးပြုနေသူများလည်း ရှိပါတယ်။ ဒါပေမဲ့ အများစုကတော့ ကျွန်တော်ခုနကပြောခဲ့သလို မြန်မာလိုတွေ ရှိတာပဲ English လိုတတ်စရာမလိုပါဘူး အတွေးတွေ ခေါင်းထဲဝင်သွားကြပါတယ်။ မြန်မာလူငယ်တစ်ယောက်အနေနဲ့ ကိုယ့်စာပေ ကိုယ့်ယဉ်ကျေးမှုကို ပုတ်ခတ်ပြီး အမေကျော်ဒွေးတော် လွမ်းရမယ်ဆိုတာမျိူး မဆိုလိုပါ။ သို့သော်ငြားလည်း တိုးတက်နေတဲ့ခေတ်ကြီးမှာ မွေးဖွားပြီး အရာရာကို ကမ္ဘာနဲ့အမှီ ရင်ဘောင်တန်းနေချိန်မှာ နိုင်ငံတကာသုံး ဘာသာရပ်ဖြစ်တဲ့ English ကိုလစ်လျူရှု မထားသင့်ပါဘူး။ ငါကတော့ မြန်မာမှာပဲနေမှာ.. မင်းတို့လို နိုင်ငံခြား ထွက်မှာမဟုတ်ဘူး ဆိုတော့ ဒီမှာ မလိုပါဘူးလိုတော့ မထင်ပါနဲ့။ နေ့စဉ်ထိတွေ့နေရတဲ့ ပတ်ဝန်းကျင်မှာပဲ ကြည့်ပါ။ ပစ္စည်းတစ်ခုကို ကောက်ကိုင်ကြည့်လိုက်ပါ။ ဘယ်ဟာမှ "တရုတ်ပြည်မှ လုပ်သည်" ဆိုပြီး မြန်မာစာတန်းထိုးတာမျိုး မဟုတ်ပါဘူး။

ဒီနေရာမှာ တခုထပ်ပြောစရာရှိလာနိုင်ပါတယ်။ မင်းအဲလိုပြောကြေးဆို Burglish (မြန်မာအသံထွက်ကို Englishလိုပေါင်းနဲ့ ရေးခြင်း)ကိုသုံးနေကြတာကောလို့ ထောက်ပြလာနိုင်စရာရှိပါတယ်။ ဟုတ်ကဲ့ အားလုံးလည်းကြားဖူးကြမှာပါ။ လူတချို့က Burglish သုံးစွဲခြင်းအပေါ် ပြောထားတဲ့စကားတရပ်ကို.... Burglish သုံးတာများရင် မြန်မာစာလည်းပျက်မယ်၊ Englishစာလည်းပျက်မယ်၊ ဟိုမရောက် ဒီမရောက်နဲ့ဆိုတဲ့ စကားလေးပါ။ အဲစကားကို ကျွန်တော် လက်မခံဘူးမဟုတ်ပါဘူး။ အတိုင်းအတာတစ်ခုအထိလက်ခံပါတယ်။ အတိုင်းအတာတစ်ခုလို့ ပြောခြင်းကလည်း   မြန်မာစာလုံးတိုင်းကို Burglish လိုပြန်ရေးဖို့ဆိုတာ လွယ်မလိုလိုနဲ့ ခက်သယောင်ရှိပါတယ်။  အဲတော့ ကျွန်တော်တို့ ဘာလုပ်ကြရလဲဆိုတာ Englishစကားလုံးတွေကိုပါ တွဲပြီးအသုံးပြုရပါတယ်။ ဆိုလိုချင်တာက English စကားလုံးတွေနဲ့ လုံးဝအနေစိမ်းသွားတာမရှိတော့ပါဘူး။ တဘက်ကပြောလိုက်တဲ့စကားထဲမှာ ကိုယ်မသိတဲ့ English စကားလုံးပါရင် ပြူးပြဲပြီး dictionaryလှန်ကြည့်ကြရတာမျိုးတွေရှိပါတယ်။ Burglishကို ကြွယ်ဝစွာသုံးစွဲစဉ်အခါက အချို့သော public internetဆိုင်တွေမှာ English-မြန်မာ၊ မြန်မာ-English dictionaryတွေကို ဆောင်ထားတာတွေ့ရဖူးပါတယ်။ လူတိုင်းလိုလိုဟာ အလိုက်အထိုက်တော့ ကြိုးစားပြီး Englishစကားလုံးတွေကို ကျက်မှတ်သုံးစွဲကြပါတယ်။

Unicodeပေါ်လာတဲ့အခါမှာ အဲလိုEnglishစကားလုံးကို ကျက်မှတ်ဖို့ဆိုတာ ဝေးစွဆိုလို့နီးပါးဖြစ်သွားတယ်လို့ကျွန်တော်ထင်ပါတယ်။ ဒီunicodeကိုမသုံးနဲ့လို့ဆိုလိုခြင်းမဟုတ်ပါဘူး။ သုံးပါ အသုံးပြုပါ။ မြန်မာ့ITလောကအနေနဲ့အောင်မြင်မှု မှတ်ကျောက်တင်ထားတဲ့အရာပဲကိုး။ တစ်ဖက်ကကိုယ့်လူမျိူးစာပေကို စောင့်ရှောက်သလို  တစ်ဖက်ကလည်း မြန်မာလူငယ်တွေ အမြင်ကျယ်တိုးတက်ဖို့အတွက် English ကိုအဆင့်တစ်ခုအထိတော့ တတ်မြောက်သင့်တယ်လို့ ကျွန်တော်တိုက်တွန်းချင်ပါတယ်။ တတ်မြောက်ဖို့အတွက် အခြေခံတွေကို မေ့မပစ်ကြပါနဲ့ ။ သိနေတာတွေ ပိုသိလာအေင် အမြင်ကျယ်အောင်အတွက် English ကိုလေ့လာကြပါ။ တစ်ချို့ပညာရေးကို စိတ်ဝင်စားလို့ ကျွန်တော်ဆီ email ပို့မေးမြန်းတဲ့ ညီငယ်ညီမငယ်တွေကို ဒီစာဖတ်နေရင် တစ်ချက်ပြောလိုက်ချင်ပါတယ်။ English လိုတတ်အောင်ကြိူးစားကြပါ။ တတ်အောင်ကြိူးစားဆိုတာ တစ်ကယ့် Proper English ကိုသေချာသင်ပြီး လေ့လာပါ။ Yo , Yay, shawty , baby လို ဗန်းစကားတွေ ပြောတတ်တာကို မဆိုလိုပါဘူး။ ဘယ်နိုင်ငံသွားသွား ဘာပဲလုပ်လုပ် English ကိုမတတ်မဖြစ် ဘာသာရပ်တစ်ခုအနေနဲ့ တတ်သင့်တယ်လို မှတ်ယူပြီး သင်ကြားကြပါလို့ နောက်ဆုံးအနေနဲ့ ပြောချင်ပါတယ်။ ကြိုးစားရင် ဘယ်အရာမဆိုဖြစ်ပါတယ်။

ဒီဟာကိုရေးဖို့ ကျွန်တော်တော်တော် အချိန်ယူခဲ့ရပါတယ်။ သေချာလည်းရေးသင့် မရေးသင့်စဉ်းစားခဲ့ရပါတယ်။ တော်တော်များများကြိုက်မယ်လို့ မယူဆပါဘူး။ မကြိုက်တဲ့အပြင် ၀ိုင်းဆဲနိုင်တယ်ဆိုတာလည်း ကြိုတွက်ထားပါတယ်။ ဒါပေမဲ့လည်း လူငယ်တွေ ကျေနပ်အောင်လုပ်ပေးနေတယ်ဆိုတဲ့ MYMC မျိုးထက် လူငယ်တွေတိုးတက်ရေးအတွက် ရပ်တည်လုပ်ကိုင်ပေးနေတဲ့ MYMC အဖြစ်နဲ့ ဘာမှမထောက်ပဲ လူငယ်တစ်ယောက်က သူ့အမြင်ကို ပွင့်ပွင့်လင်းလင်းရေးသားခြင်း ဖြစ်ပါကြောင်း...

လူငယ်ထဲက လူငယ်တစ်ယောက်ဖြစ်တဲ့

မဟူရာ

Special Thanks to S^^eet & Amedeo